Tuesday, August 31, 2010

പുതിയ ലാപ്പുകളിൽ എങ്ങനെ XP ഇൻസ്റ്റാൾ ചെയ്യാം

വിൻഡോ XP യുടെ മരണശേഷം വരുന്ന പുതിയ ലാപ്പ്ടോപ്പുകളിൽ വിൻഡോ വിസ്തയോ, അല്ലെങ്കിൽ വിൻഡോ എഴോ പ്രീ ഇൻസ്റ്റാൾഡ് ആയിരിക്കും. പക്ഷെ നിങ്ങൾ XP ഇൻസ്റ്റാൾ ചെയ്യാൻ അഗ്രഹിക്കുന്നു. സാധരണ പുതിയ ലാപ്പിൽ XP യുടെ ഒറിജിനൽ സിഡിയിൽനിന്ന് നേരിട്ട്, XP ഇൻസ്റ്റാൾ ചെയ്യാൻ സാധിക്കില്ല. എന്താണ്‌ പരിഹാരം.

പരിഹാരം വളരെ സിമ്പിളാണ്‌.

രണ്ട് സോഫ്റ്റ്വെയറുകളും, സാറ്റ ഡ്രൈവും, XP യുടെ ഇൻസ്റ്റാലേഷൻ സിഡിയും കൈയിലുണ്ടെങ്കിൽ, നിങ്ങൾക്ക് സുഖമായി XP ഈൻസ്റ്റാൾ ചെയ്യാം.

എന്തിനാണ്‌ മൈക്രോസോഫ്റ്റ് ഇത്രയും ബുദ്ധിമുട്ടികുന്നത് എന്ന ചോദ്യത്തിനുത്തരം, XP യുടെ ഒറിജിനൽ സിഡിയിൽ സാറ്റ ഡ്രൈവ് ഫയലുകൾ ഇല്ല. അത്‌കാരണം, നിങ്ങളുടെ ഹാർഡ് ഡിസ്ക് ഇൻസ്റ്റലേഷൻ സമയത്ത് തിരിച്ചറിയാതെ പോവുന്നു എന്നത് മാത്രമാണ്‌.

ആദ്യം തന്നെ, nLite എന്ന സൊഫ്റ്റ്വെയർ ഇൻസ്റ്റാൾ ചെയ്യുക. nLite ഇവിടെനിന്നും ഡൌൺലോഡ് ചെയ്യാം.

പിന്നിട്, നിങ്ങളുടെ ലാപ്പിന്റെ മദബോഡ് അനുസരിച്ച്, അതിന്റെ സാറ്റ ഡ്രൈവ് ഡൌൺലോഡ് ചെയ്യുക. സാധരണ Intel മദർബോഡുകളാണ്‌ ഉപയോഗിക്കുന്നത്. അതിവിടെ കിട്ടും. സാധരണ സാറ്റ ഡ്രൈവ് ഇവിടെനിന്ന്‌ കിട്ടും.

ഇനി, XP യുടെ സിഡിയിട്ടശേഷം, nLite തുറക്കുക.



ഇവിടെ നമുക്ക് ഒരു Windows XP യുടെ പുതിയ സിഡിയുണ്ടാക്കാം.

ഇവിടെ നിങ്ങളുടെ വിൻഡോ XP യുടെ സിഡി ലോക്കേറ്റ് ചെയ്യുക.



അടുത്ത പേജിൽ നമ്മുക്ക് സാറ്റ ഡ്രൈവ് കൂട്ടിചേർക്കാം. അതിന്‌, Drivers എന്ന ടാബിൽ ക്ലിക്കുക. Bootable ISO option ക്ലിക്കുവാൻ മറക്കരുത്. നിങ്ങൾ സാറ്റ ഡ്രൈവ് ഡൌൺളോഡ് ചെയ്ത ലോക്കേഷൻ സെലക്റ്റ് ചെയ്യുക. അവിടെ എതാനും inf ഫയലുകൾ കാണാം. അതിലോന്ന് സെലക്റ്റ് ചെയ്യുക. പിന്നീട് എല്ലാ ഡ്രൈവറുകളും സെലക്റ്റ് ചെയ്യുക. ക്ലിക്ക് നെസ്റ്റ്.



ഇവിടെ ISO ഫയൽ കൺഫേർമേഷൻ ചോദിക്കും. യെസ് ക്ലിക്കുക. ഇപ്പോൾ സാറ്റ ഡ്രൈവുകളോട് കൂടി ഒരു XP യുടെ സിഡി ഉണ്ടാക്കിയിരിക്കും. അത് ഒരു സിഡിയിലേക്ക് Burn ചെയ്യുക.

ഈ സിഡി ഉപയോഗിച്ച്, നിങ്ങളുടെ ലാപ്പിൽ XP ഇൻസ്റ്റാൾ ചെയ്യാം.


.

18 comments:

Helper | സഹായി said...

വിൻഡോ XP യുടെ മരണശേഷം വരുന്ന പുതിയ ലാപ്പ്ടോപ്പുകളിൽ വിൻഡോ വിസ്തയോ, അല്ലെങ്കിൽ വിൻഡോ എഴോ പ്രീ ഇൻസ്റ്റാൾഡ് ആയിരിക്കും. പക്ഷെ നിങ്ങൾ XP ഇൻസ്റ്റാൾ ചെയ്യാൻ അഗ്രഹിക്കുന്നു. സാധരണ പുതിയ ലാപ്പിൽ XP യുടെ ഒറിജിനൽ സിഡിയിൽനിന്ന് നേരിട്ട്, XP ഇൻസ്റ്റാൾ ചെയ്യാൻ സാധിക്കില്ല. എന്താണ്‌ പരിഹാരം.

പരിഹാരം വളരെ സിമ്പിളാണ്‌.

sreekanth said...

നന്ദി വളരെ നല്ല post

Mohamedkutty മുഹമ്മദുകുട്ടി said...

വളരെ ഉപകാരപ്രദമായ ഒരു പോസ്റ്റാണിത്. ഇത് പലരും അന്വേഷിക്കുന്ന ഒരു കാര്യ മായിരുന്നു.എന്റെ അഭിപ്രായത്തില്‍ XP തന്നെയാണ് കൂടുതല്‍ സൌകര്യം.

Areekkodan | അരീക്കോടന്‍ said...

May I translate it to English for one of my article?

Helper | സഹായി said...

മാഷെ,

എന്നോട്‌ ചോദിക്കാതെ തന്നെ ഈ ബ്ലോഗിലെ കണ്ടന്റുകൾ കോപ്പി ചെയ്യുവാൻ അനുവാദമുണ്ട്‌ മാഷെ.

ടെക്‌നിക്കൽ വിവരങ്ങൾ എന്റെതാണെന്ന അവകാശവാദത്തിൽ ഒട്ടും കഴമ്പില്ല. പൂർവ്വികരുടെ വഴിയെ, ഞാനും.

സന്തോഷത്തോടെ പരിഭാഷ നിർവ്വഹിക്കുക.

കുര്യച്ചന്‍ @ മനോവിചാരങ്ങള്‍ .കോം said...

ലാപ്ടോപ്പില്‍ xp ഇന്‍സ്റ്റാള്‍ ചെയ്യാന്‍ ഈ രീതിയില്‍ ഇത്തിരി ബുദ്ധിമുട്ടാണ് എന്ന എന്റെ അനുഭവം, കാരണം ഒരു ലാപ്ടോപ്പിന്റെയും കമ്പനികളുടെ സാറ്റ ഡ്രൈവര്‍ ആവശ്യമാണ്. എന്റെ തോഷിബ ലാപ്ടോപ്പില്‍ ഈ രീതിയില്‍ ഇന്‍സ്റ്റാള്‍ ചെയ്യാന്‍ നോക്കീട്ടു 5 സി‌ഡി പോയതല്ലാതെ ഒരു പണിയും നടന്നില്ല.

Helper | സഹായി said...

കുര്യച്ചൻ,

അതാത് കമ്പനികളുടെ സാറ്റ ഡ്രൈവറുകൾ nLite ന്റെ കൂടെ ആഡ് ചെയ്യണം.

തോഷിബ ലാപ്പുകളിൽ അധികവും ഇന്റൽ മദർബോഡാണ്‌ ഉപയോഗിക്കുന്നത്.

സാറ്റയുടെ ഡ്രൈവർ ഇല്ലാതെ XP ഇൻസ്റ്റാൾ ചെയ്യുവാൻ കഴിയില്ല.

Unknown said...

മാഷേ,
തോഷിബയുടെ 500 സീരീസിന്റെ ലാപ്പാണ് ഞാന്‍ ഉപയോഗിക്കുന്നത്.windows 7 ആണ്.പക്ഷേ ചില പ്രൊഗ്രാമുകള്‍ ഓപ്പണാക്കുമ്പോള്‍ ആട്ടോമാറ്റിക്കായി ക്ലോസാകുന്നു,പ്രത്യേകിച്ച് ചില കാളിങ്ങ് സൊപ്റ്റ്വെയറുകള്‍.ഇതിനെന്തെങ്കിലും പരിഹാരമുണ്ടെങ്കില്‍ ദയവായി സഹായിക്കുമല്ലോ.

Helper | സഹായി said...

XYZ,

നിങ്ങളുടെ കമ്പ്യൂട്ടറിൽ, വൈറസോ, തോർജനോ, മാൾവയറോ പിടിച്ചിരിക്കാൻ സാധ്യതയുണ്ട്.

ഒരു വിൻഡോ ക്ലീൻ ഇൻസ്റ്റലേഷനാണ്‌ നല്ല വഴി. അതിന്‌ സാധ്യമല്ലെങ്കിൽ, ഏതെങ്കിലും വൈറസ് സ്കാനറോ, മാൾവയർ റിമൂവറോ ഉപയോഗിക്കുക.

Blister എന്ന് പറയുന്ന തോർജനോ, അതിന്റെ ഘടകങ്ങളോ നിങ്ങളുടെ സിസ്റ്റത്തെ ബാധിച്ചിട്ടുണ്ടാവാം.

Spybot, Adaware, Spywareblaster, and spyware guard എന്നിവയിൽ ഏതെങ്കിലും ഒന്ന് ഉപയോഗിക്കുക. എല്ലാം ഫ്രീ സോഫ്റ്റ് വെയറുകളാണ്‌.

വിവരം അറിയിക്കുമല്ലോ

Unknown said...

മാഷ് പറഞ്ഞതനുസരിച്ച് spybot വെച്ചൊരു സാഹസം നടത്തി നോക്കി കുറച്ച് വൈറസ് കുഞ്ഞുങ്ങളെ പിടികൂടിയിട്ടും രക്ഷയില്ല..DEP error ആണോന്ന് വര്‍ണ്യത്തിലാശങ്ക..!സഹായിക്കുമല്ലോ?

Helper | സഹായി said...

xyz,

അവസാന പ്രതീക്ഷ എന്ന നിലക്ക്‌, ഒരഭിപ്രായം കൂടി.

Emsisoft ന്റെ അന്റിമാൾവയർ, ഇൻസ്റ്റാൾ ചെയ്ത്‌, സിസ്റ്റം ക്ലീനാക്കുവാൻ ശ്രമിക്കുക.

Emsi Soft Anti-Malware ഇവിടെനിന്നും ഡൗൺലോഡ്‌ ചെയ്യാം.

ഇതിലും പരാജയപ്പെട്ടാൽ, പിന്നെ, വിൻഡോ ക്ലീൻ ഇൻസ്റ്റലേഷൻ മാത്രമേ വഴിയുള്ളൂ.


Data Execution Prevention എറർ, സാധരണ ഒരു എറർ മേസേജോട്‌ കൂടിയാണ്‌ വരാറുള്ളത്‌. എതെങ്കിലും പ്രോഗ്രാം വിൻഡോയുമായി കോൺഫ്ലിക്ക്‌റ്റ്‌ ആവുമ്പോഴാണ്‌ ഇത്തരം എറർ കണാറുള്ളത്‌.

അങ്ങിനെ നിങ്ങൾക്ക്‌ സംശയമുണ്ടെങ്കിൽ, ഏത്‌ പ്രോഗ്രാം തുറക്കുമ്പോഴാണ്‌ ഈ എറർ വരുന്നത്‌ എന്ന് ശ്രദ്ധിക്കുക. ആ പ്രോഗ്രാം റിമൂവ്‌ ചെയ്ത്‌, വീണ്ടും ഇൻസ്റ്റാൾ ചെയ്യുക.

Unknown said...

തിരക്കുകള്‍ക്കിടയിലും സംശയനിവാരണങ്ങള്‍ക്ക് സമയം കണ്ടെത്തുന്ന സുമനസ്സിനു നന്ദി!ഇനി ഇതൊന്നു ശ്രമിച്ചു നോക്കിയിട്ട് പാര്‍ക്കലാം

alakkadan said...

മാഷെ ഇത് വളരെ ഉപകാരപ്രദമായി . രണ്ടു സി .ഡി പോയാലും മൂന്നാമത്തേതു ശരിയായി. ലാപ്ടോപ് എക്സ്പി ആക്കി. വളരെ നന്ദി. പിന്നെ ഈ ബ്ലോഗ്‌ എനിക്ക് കോപ്പി ചെയ്തു വേറെ ബ്ലോഗില്‍ ഉപയോകിക്കാമോ ?..

Helper | സഹായി said...

alakkadan,

തീർച്ചയായും. വിജ്ഞാനപ്രദമായ വിവരങ്ങൾ മറ്റുള്ളവരുമായി പങ്ക്‌വെക്കുക. അറിവുകൾ പകർന്ന്‌നൽകുക.

സ്നേഹത്തോടെ

Helper | സഹായി

alakkadan said...

മാഷെ, വേറെ ഒരു സംശയം കൂടി ചോദിക്കുന്നു. അതായത് .. വിന്‍ഡോസ്‌ എക്സ്പിയില്‍ സാറ്റ ഡ്രൈവ് ചേര്‍ത്തത് പോലെ N litel കൂടി എക്സ്പിയുടെ സീടിയില്‍ തന്നെ മൈക്രോസോഫ്ട്‌ ഓഫീസ് , വിന്സീപ്‌ ,ആന്റി വൈറസ്‌ , തുടങ്ങിയ സോഫ്റ്റ്‌ വെയറുകളും കൂടി ചേര്‍ക്കാന്‍ സാധിക്കുമോ ? സാധിക്കുമെന്കില്‍ കമ്പ്യൂട്ടര്‍ ഫോര്‍മാറ്റ്‌ ചെയ്യുന്ന സമയത്ത് തന്നെ ഓഫീസും ,മറ്റും ഒന്നിച്ചു ഇന്സ്ടാല്‍ ആകുമോ ?? അല്ല ഇത് ആഡ് ചെയ്യണമെങ്കില്‍ N lite അല്ലാതെ വേറെ വല്ല സോഫ്റ്റ്‌ വെയറിന്ടെയും ആവശ്യം ഉണ്ടോ ? വിശദമായ ഒരു മറുപടി പ്രതീക്ഷിക്കുന്നു

Helper | സഹായി said...

@ alakkadan

നിങ്ങൾ ഉദേശിക്കുന്നത്‌, വളരെ പെട്ടെന്ന് തന്നെ ഒരു ക്ലീൻ ഇൻസ്റ്റലേഷൻ ആണോ?. എങ്കിൽ, പല മാർഗ്ഗങ്ങളുണ്ട്‌.

ഒന്ന്, നോർട്ടൺ ഗോസ്റ്റ്‌ പോലെയുള്ള നിരവധി പ്രോഗ്രാമുകൾ ഇന്ന് ലഭ്യമാണ്‌. നിങ്ങൾക്ക്‌ വേണ്ട പ്രോഗ്രാമുകൾ മുഴുവൻ ഒരു ഹാർഡ്‌ ഡിസ്കിൽ ഇൻസ്റ്റാൾ ചെയ്ത ശേഷം, ആ ഡിസ്കിന്റെ ക്ലോൺ ഫയൽ ക്രിയേറ്റ്‌ ചെയ്യുക. പിന്നീട്‌, ആ ക്ലോൺ ഫയൽ മറ്റു നിരവധി ഹാർഡ്‌ ഡിസ്കുകളിലേക്ക്‌ റൈറ്റ്‌ ചെയ്യാം. നിമിഷങ്ങൾക്കകം.

മറ്റോന്ന്, നെറ്റ്‌ വർക്ക്‌ പരിധിക്കുള്ളിലെ നിരവധി കമ്പ്യൂട്ടറുകളിൽ പ്രോഗ്രാമുകൾ ഒട്ടോമറ്റേഡായി ഇൻസ്റ്റാൾ ചെയ്യുന്ന രീതി. (unattended Deployment).

ഈ രണ്ട്‌ രീതികൾക്കും പക്ഷെ പരിമിതികളും ന്യൂനതകളും നിരവധിയാണ്‌.

ക്ലോണിങ്ങിന്‌, നിങ്ങൾ ക്ലോൺ ചെയ്യുന്ന കമ്പ്യൂട്ടറിന്റെ ആതെ ഹാർഡ്‌വെയറുകൾ തന്നെ, ക്ലോൺ ഇൻസ്റ്റാൾ ചെയ്യുന്ന കമ്പ്യൂട്ടറിലും വേണം. (ചില ഹാർഡ്‌വയറുകളുടെ സെറ്റിങ്ങുകൾ പിന്നിട്‌ മാറ്റുവാൻ കഴിയും)

Almeza Multiset എന്ന പ്രോഗ്രാം നിങ്ങൾക്കുപകാരപ്രദമായിരിക്കും എന്ന് പ്രതീക്ഷിക്കുന്നു.

alakkadan said...

വളരെ നന്ദി മാഷേ,, ഒന്ന് ശ്രമിച്ചു നോക്കട്ടെ .

Haneef said...

സഹായി, ഞാനൊരു ലാപ് വാങ്ങി വിന്ഡോസ് 8 സിംഗില്‍ ലാന്‍ഗ്വേജ്. ഐ 7 പ്രൊസസര്‍. നിര്‍ഭാഗ്യ വശാല്‍ ഹാര്‍ഡ് ഡിസ്ക് പൂര്‍ണ്ണമായും ഫോര്‍മാറ്റ് ചെയ്ത് പോയി. നഷ്ടപ്പെട്ട ജെനുവിന്‍ വിന്ഡോ കിട്ടാന്‍ വല്ല വഴിയും ഉണ്ടോ? പ്രീ ഇന്സ്റ്റാള്‍ഡ് വിന്ഡോ കമ്പനിക്കാര്‍ക്ക് മാത്രമെ ലഭിക്കു എന്നാണറിഞ്ഞത്. എന്‍റെ സിസ്റ്റം തോഷിബ ആണു.